شہر قائدکے 3 مختلف مقامات پر آتشزدگی
شیئر کریں
کراچی کے تین مختلف مقامات پر آگ لگنے سے لاکھوں مالیت کا سامان جل گیا تاہم کوئی جانی نقصان نہیں ہوا۔تمام واقعات جمعرات اور جمعہ کی درمیانی شب پیش آئے ۔ نیو کراچی میں فیکٹری جبکہ برنس روڈ اور لیاقت آباد میں کارخانوں میں آگ لگی، فائرفائٹرز نے تمام مقامات پر آگ بجھا دی۔تفصیلات کے مطابق ایک رات میںکراچی کے مختلف مقامات پر آتشزدگی کے تین واقعات پیش آئے ۔ نیو کراچی سیکٹر 12 سی میں تولیہ کی فیکٹری میں آگ لگ گئی۔ فیکٹری کی پہلی منزل پرکپڑے میں لگی آگ نے دوسری منزل کو بھی اپنی لپیٹ میں لے لیا۔ فائربریگیڈ کی پانچ گاڑیوں نے آگ پر قابو پایا۔ادھر لیاقت آباد میں الیکٹرک بورڈ کے کارخانے میں بھی پہلی اور دوسری منزل پر آگ لگی، فائربریگیڈ کی دو گاڑیوں نے آگ بجھائی۔ آتشزدگی کا تیسرا واقعہ صدربرنس روڈ پر پیش آیا۔۔ جہاں بیکری کے کارخانے میں آگ لگ گئی۔۔ فائربریگیڈ کی ایک گاڑی نے آگ پر قابو پایا۔ریسکیوحکام کے مطابق تیسرا واقعہ سلنڈر سے گیس لیک ہونے کے سبب پیش آیا۔ تینوں واقعات میں کوئی جانی نقصان نہیں ہوا تاہم فیکٹری اور کارخانوں میں سامان جل گیا۔
