کراچی میں نگلیریا کا ایک اورمریض انتقال کر گیا
شیئر کریں
کراچی ضلع وسطی کا رہائشی 45 سالہ کاشف قمر نگلیریا سے جان کی بازی ہار گیا، جس کے بعد رواں سال نگلیریا سے اموات کی تعداد 11 ہو گئی۔ ترجمان محکمہ صحت سندھ کے مطابق کراچی کے ضلع وسطی کا رہائشی 45 سالہ کاشف قمر نگلیریا سے انتقال کر گیا، جس کے بعد رواں سال نگلیریا سے ہلاکتوں کی تعداد 11 ہو گئی۔ ترجمان محکمہ صحت سندھ کاشف قمر کو یکم نومبر کو نجی ہسپتا ل میں داخل کروایا گیا تھا، اور اس کے پی سی آر ٹیسٹ میں نگلیریا مثبت آیا تھا، اور 3 دن بخار اور سردرد میں مبتلا رہ کر وہ گزشتہ روزانتقال کر گیا۔ محکمہ صحت نے ضلع وسطی میں نگلیریا سے یہ تیسری موت رپورٹ ہوئی ہے، جب کہ جامشورو، کیماڑی، کورنگی، ملیر میں ایک ،ایک اموات ہوئیں اور ضلع جنوبی میں 2 اموات رپورٹ ہوچکی ہیں۔ دوسری جانب وزیر صحت سعد خالد نیاز کی نگلیریا سے بچاؤ کی تدابیراختیار کرنے کی اپیل کرتے ہوئے سی ای او کراچی واٹراینڈ سیوریج کارپوریشن صلاح الدین سے رابطہ کیا ہے اور نگلیریا کے باعث 11 لوگوں کی اموات سے متعلق تشویش کا اظہار کیا ہے۔ ڈاکٹر سعد خالد نے کہا ہے کہ شہر بھر سے پانی کے نمونوں کے لیبارٹری ٹیسٹ کیے جائیں، سپلائی پانی میں کلورین کی مقدارسے متعلق رپورٹ دیں، اور نگلیریا سے بڑھتی اموات کے لیے لازمی اقدامات اٹھائے جائیں۔
