امریکی فوج سے سینئر جرنیلوں کی تعداد 20فیصد کم کرنے کا حکم
شیئر کریں
2023میں 37فور اسٹار جنرلز تھے اب تقریبا 900جنرل اور فلیگ آفیسرز ہیں
پیٹ ہیگستھ کا اس حوالے سے دستخط کردہ میمو امریکی میڈیا نے حاصل کرلیا، رپورٹ
امریکی وزیر دفاع پیٹ ہیگستھ نے امریکی افواج سے سینئر جرنیلوں کی تعداد 20 فیصد کم کرنے کا حکم دے دیا۔امریکی میڈیا کے مطابق وزیر دفاع پیٹ ہیگستھ نے پینٹاگون کی سینئر قیادت کو حکم دیا کہ فوج میں فور اسٹار جنرلز اور ایڈمرلز کی تعداد میں کم از کم 20 فیصد کمی کی جائے ۔پیٹ ہیگستھ کا اس حوالے سے دستخط کردہ میمو امریکی میڈیا نے حاصل کرلیا۔میمو میں پینٹاگون کو نیشنل گارڈ میں جنرل افسران کی تعداد میں 20فیصد اور پوری فوج میں جنرل اور فلیگ افسران کی کل تعداد میں 10فیصد کمی کرنے کی ہدایت کی گئی ہے ۔امریکی میڈیا کے مطابق 2023تک پوری امریکی فوج میں 37 فور اسٹار جنرلز اور ایڈمرل تھے ۔اس وقت فوج میں تقریبا 900جنرل اور فلیگ آفیسرز ہیں جن کا رینک ایک (ون) اسٹار یا اس سے زیادہ ہے ۔امریکی وزیر دفاع پیٹ ہیگستھ نے میمو میں لکھا کہ یہ کٹوتیاں اضافی جنرل اور فلیگ آفیسرز کے عہدوں کو کم کر کے قیادت کو بہتر بنانے اور اضافی عہدوں کو ہٹانے کی جانب ایک اہم قدم ہے ۔
سینئر جرنیل
