عاطف اسلم کے ریمیک گانے سے لتا منگیشکر ناراض
شیئر کریں
گلوکار عاطف اسلم کی جانب سے فلم پاکیزہ کے سپرہٹ گانے ‘چلتے چلتے’ کے ریمیک نے بالی وڈ کی لیجنڈ گلوکارہ لتا منگیشکر کو ناراض کردیا ہے.
1972 کے اس مشہور زمانہ گانے کو گلوکارہ لتا منگیشکر نے گایا اورغلام محمد نے کمپوز کیا تھا۔ اس گانے کے ریمکس کو رواں سال ستمبر میں ریلیز ہونے والی ‘مترون’ میں شامل کیا گیا ہے، عاطف اسلم نے اس گانے کو نئے انداز میں گایا. ‘چلتے چلتے’ کے ریمکس کے حوالے سے جب لتا منگیشکر سے پوچھا گیا تو گلوکارہ نے گانے پر غصے کا اظہار کرتے ہوئے اسے سننے سے منع کردیا۔
ان کا کہنا ہے کہ یہ میری خوش قسمتی ہے کہ میں نے اب تک یہ گانا نہیں سنا او نہ ہی میں اسے سننا چاہتی ہوں. محنت کی کوئی قیمت نہیں ہوتی لیکن ریمکس گانے کے اس رجحان نے نئے نوجوانوں، موسیقاروں کو اس محنت سےدور کردیا ہے جو ایک گانے کی تیاری میں لگتی ہے. انہوں نے مزید کہا کہ اس گانے کے اصل شاعر اور کمپوزرز نے اسے تیار کیا، او ر میں سنا ہے کہ ریمکس میں اس کے بول بھی تبدیل کردیے گئے ہیں، جس کی کسی کو اجازت نہیں دی جاسکتی. دوسری جانب عاطف اسلم نے اپنے ٹوئٹر اکائونٹ پر اس گانے کی ویڈیو شیئر کی جسے ان کی مداحوں جانب سے بہت سراہا جا رہا ہے.
