بھارت میں ایئرپورٹ کے بعد 20 اسکول دھماکے سے اْڑانے کی دھمکی
شیئر کریں
بھارتی پولیس کو ریاست کرناٹک کے 20 اسکولوں میں بم رکھنے کی اطلاع پر بم ڈسپوزل اسکواڈ اور بھاری نفری کو طلب کرلیا گیا۔ بھارتی میڈیا کے مطابق کرناٹک کے دارالحکومت بنگلور میں پولیس کو ایک میل موصول ہوئی جس میں اْن 20 اسکولوں کے نام بتائے گئے تھے جہاں بم رکھے گئے تھے اور مطالبات منظور نہ ہونے کی صورت میں اسکولوں کو دھماکے سے اْڑانے کی دھمکی دی گئی تھی۔دوسری جانب ان اسکولوں کو بھی ای میل کی گئی تھی جس پر انتظامیہ نے والدین کو مطلع کرکے فوری طور پر اسکول کو خالی کردیا۔ اسی دوران پولیس اور بم ڈسپوزل اسکواڈ کا عملہ بھی پہنچ گیا۔پولیس کا ترجمان کا کہنا ہے کہ آئی ٹی ٹیم ای میل بھیجنے والے کا سراغ لگا رہی ہے۔ ہم ایسی صورت حال میں اس دھمکی کو سنجیدگی سے دیکھ رہے ہیں۔ سرچ ا?پریشن جاری ہے۔ والدین اور میڈیا سے تعاون کی درخواست ہے۔یاد رہے کہ رواں ہفتے ممبئی کے انٹرنیشنل ایئرپورٹ میں بھی بم رکھنے سے متعلق ای میل موصول ہوئی تھی اور دھمکی دی گئی تھی کہ 48 گھنٹوں میں مطالبات نہ مانے گئے تو دھماکا کردیں گے۔
