شمالی وزیرستان،شہید ہونیوالا لانس نائیک محمد عمران سپرد خاک

ویب ڈیسک

پیر, ۲ دسمبر ۲۰۱۹

شیئر کریں

گزشتہ روزقبائلی ضلع شمالی وزیرستان میں دہشت گردوں کے ہاتھوں شہید ہونے والے فرنٹیئر کور کے اہلکار لانس نائک محمد عمران کو مکمل فوجی اعزاز کے ساتھ ضلع خیبر کی تحصیل جمرود میں سپرد خاک کر دیا گیا۔ شہید اہلکار محمد عمران کی میت جمرود پہنچائی گئی۔ شہید محمد عمران کی نماز جنازہ آبائی علاقہ اسخو میلہ میں اداکی گئی۔ نماز جنازہ میں کمانڈنٹ خیبر رائفلز کرنل بلال احمد اور اعلیٰ فوجی حکام نے شرکت کی۔ نماز جنازہ کی ادائیگی کے بعد شہید کو پورے فوجی اعزاز کے ساتھ سپرد خاک کر دیا گیا۔