این آئی سی وی ڈی میں 12 مریضوں کا اسٹروک انٹروینشن پروسیجر کامیاب
ویب ڈیسک
اتوار, ۱۳ فروری ۲۰۲۲
شیئر کریں
این آئی سی وی ڈی کے ماہر ڈاکٹروں نے فالج کے 12 مریضوں کے دماغ میں اسٹنٹ ڈال کر لوتھڑا نکال کر تاریخ رقم کردی۔تفصیلات کے مطابق کراچی میں واقع قومی ادارہ برائے امراض قلب کے ڈاکٹروں کی ٹیم نے مفت اکیوٹ اسٹرونیشل پروسیجر کے ذریعے فالج کے ایک درجن مریضوں کے دماغ میں اسٹنٹ ڈالے ہیں۔پروفیسر ندیم قمر نے کہا کہ مذکورہ مریضوں کے دماغ سے لوتھڑا نکالا گیا ہے، فالج کے جدید طریقہ علاج سے ہزاروں مریض مستفید ہوں گے۔قومی ادارہ برائے امراض قلب (این آئی سی وی ڈی)میں نومبر 2021 میں پہلا اسٹروک انٹروینشن پروسیجر انجام دیا گیا تھا۔ ریڈیالوجسٹ پروفیسر عرفان لطفی نے اپنی ٹیم کے ہمراہ فالج کی مریض 48 سالہ خاتون کے دماغ میں اسٹنٹ ڈال کر خون کا لوتھڑا نکالا تھا۔جدید طریقے سے علاج کروانے والی خاتون پروسیجر کے بعد پوری طاقت کے ساتھ متحرک ہوچکی ہیں۔
