پاکستان پُرامن افغانستان کی بھرپورحمایت کرے گا،وزیراعظم
شیئر کریں
وزیراعظم عمران خان نے کہا ہے کہ پاکستان سے زیادہ کوئی اور ملک افغانستان میں امن اور استحکام کا خواہش مند نہیں ہوسکتا اس امر کا اظہار انھوں نے افغانستان کے سیاسی رہنماؤں کے وفد نے ملاقات سے یہاں ملاقات میں کیا ۔وفد کا خیرمقدم کرتے ہوئے وزیر اعظم نے افغان عوام کے لیے مضبوط حمایت اور یکجہتی کا اظہار کیاانہوں نے کہاکہ پاکستان اور افغانستان عقیدے ، تاریخ ، جغرافیہ ، ثقافت اوربھائی چارہ کے ذریعے منسلک ہیں۔ وزیراعظم نے اس بات پر زور دیا کہ پاکستان سے زیادہ کوئی اور ملک افغانستان میں امن اور استحکام کا خواہش مند نہیں ہے۔ موجودہ صورتحال میں افغان رہنماؤں پر بڑی ذمہ داری عائد ہوتی ہے کہ وہ افغانستان کو پائیدار امن ، استحکام اور ترقی کی راہ پر گامزن کرنے کے لیے تعمیری طور پر مل کر کام کریں۔ وزیراعظم نے ایک جامع سیاسی حل کو محفوظ بنانے کے لیے تمام فریقوں کی اہمیت پر زور دیا۔ پرامن اور مستحکم افغانستان کے لیے پاکستان کے عزم کا اعادہ کرتے ہوئے وزیر اعظم نے اس سمت میں کوششوں کے لیے پاکستان کی ثابت قدمی کی یقین دہانی کرائی۔وفد کے اراکین نے وزیر اعظم کا شکریہ ادا کیا اور امن کی کوششوں میں پاکستان کے تعاون کو سراہا۔ انہوں نے افغان معاشرے کی ممکنہ ہم آہنگی کی اہمیت پر زور دیا۔ افغان وفد نے افغانستان اور پاکستان کے درمیان برادرانہ تعلقات کو مزید مضبوط بنانے کی خواہش کا اعادہ بھی کیا۔
