پاکستان اورچین آئرن برادرز،دشمن قوتیں تعلقات کمزورنہیں کرسکتیں،عمران خان
شیئر کریں
وزیراعظم عمران خان نے واضح کیا ہے کہ پاکستان اور چین آئرن برادرز ہیں، دشمن قوتوں کو پاک چین تعلقات کو کمزور کرنے کی اجازت نہیں دیں گے۔وزیر اعظم چینی سفیر سے گفتگو کررہے تھے ،تفصیلات کے مطابق وزیراعظم عمران خان سے چینی سفیر کی ملاقات ہوئی ، ملاقات میں خطے کی صورتحال ، دو طرفہ تعلقات، سی پیک اور کورونا ویکسین سمیت دیگرامور پر تبادلہ خیال کیا گیا۔چینی سفیر نے چینی صدر اور وزیراعظم کی جانب سے یوم آزادی پر مبارکباد دی، جس پر وزیراعظم نے کورونا میں چینی تعاون اور ویکسین کی فراہمی پر شکریہ ادا کیا۔اس موقع پر وزیراعظم عمران خان نے کہا کہ پاکستان اور چین آئرن برادرز ہیں، دشمن قوتوں کو پاک چین تعلقات کو کمزور کرنے کی اجازت نہیں دیں گے۔سی پیک کے حوالے سے عمران خان کا کہنا تھا کہ سی پیک خطے میں تبدیلی کے لیے بہترین منصوبہ ہے، پاکستان اور چین سی پیک کی بروقت تکمیل کیلئے ملکر کام جاری رکھیں گے۔افغانستان کی صورتحال سے متعلق وزیراعظم نے کہا کہ افغان تنازع کا فوجی حل نہیں ہے، پاکستان افغان تنازع کا حل سیاسی مذاکرات سے چاہتا ہے۔
