جیالے تیاری کریں ، کسی وقت بھی الیکشن کا بگل بج سکتا ہے ،بلاول بھٹو
شیئر کریں
پاکستان پیپلز پارٹی کے چیئرمین بلا ول بھٹو زرداری نے کہا ہے کہ پوری قوم کی زندگیاں دائو پر لگی ہو ئی ہے پی ٹی آئی منافقت کی سیاست کر رہی ہے کسی وقت بھی الیکشن کا بگل بج سکتا ہے ۔اِن خیالات کا اِظہار انہوں نے پی وائی او لاہور ڈویژن کے سابق صدر اظہار الحق طور ایڈووکیٹ کی رہاٗشگاہ پر جیالوں سے ٹیلی فونک خطاب کرتے ہوئے کیااس موقع پر جیالوں کی کثیر تعداد موجود تھی ۔بلاول بھٹو نے کہا کہ وسطی پنجاب کے جیالے تیاری کریں ،اِنشاء اللہ جلداپنے کارکنوں سے ملاقات کروں گا، بالخصوص ناراض و پرانے جیالوں سے خصوصی ملاقات ہو گی، مو جودہ حکومت کے ترقیاتی کاموں کی قلعی کھُل گئی ،اسلام آباد کی تباہی اس با ت کا ثبوت ہے ،کل تک مہنگائی کوناسور کہنے والا آج خود عوام کو مہنگائی کے دلدل میں پھنسادیا ہے ،لاہور میں تو لاک ڈائون کرونا وائرس پھیلائو کو روکنے کے لیے لگایا گیا، سند ھ میں کورو نا وائرس کیلئے پی ٹی آئی تمام اقدامات کی مخالفت کر رہی ہے کیوں یہاں پر انسان نہیں بستے پی ٹی آئی زندگیوں سے کھیلنا بند کر ئے اگر خدانخواستہ پی ٹی آئی کی ریشہ دوانیوں کی بدولت ہم بھا رت کی طرح ہوجائیں تو کون ذمہ دار ہو گا ؟انہوں نے ہدایت کی کہ تما م ناراض کارکنان کو منا ئیں میں انشاء اللہ جلد وسطی پنجاب کا دورہ کرونگا اور ناراض جیالوں اورتمام کارکنان سے ملاقات کروں گا تمام عہدیداران گھر گھر جاکر شہید بی بی رانی کا پیغام پہنچائیں ۔
