جنوبی افریقہ کے خلاف پہلے ٹیسٹ میچ کیلئے سترہ رکنی قومی اسکواڈ کا اعلان
شیئر کریں
قومی کرکٹ ٹیم کے سلیکٹرز نے جنوبی افریقہ کے خلاف پہلے ٹیسٹ میچ کے لیے سترہ رکنی قومی ٹیسٹ اسکواڈ کا اعلان کردیا ہے ، بیس رکنی ابتدائی اسکواڈ میں شامل باقی تینوں کرکٹرز قومی اسکواڈ کے ہمراہ ہی نیشنل کرکٹ اسٹیڈیم میں ٹریننگ کا سلسلہ جاری رکھیں گے ۔تفصیلات کے مطابق دونوں ٹیموں کے مابین دو ٹیسٹ میچوں پر مشتمل سیریز کا پہلا میچ 26 جنوری سے نیشنل اسٹیڈیم کراچی میں شروع ہوگا.قومی کرکٹ ٹیم کے کپتان اب ہیڈ کوچ کی مشاورت سے میچ کے لیے پلیئنگ الیون کا انتخاب کریں گے سترہ کھلاڑیوں پر مشتمل اسکواڈمیںاوپنرز عابد علی (سینٹرل پنجاب) اور عمران بٹ (بلوچستان)،مڈل آرڈر بیٹسمین، اظہر علی (سینٹرل پنجاب) ، بابر اعظم (کپتان، سینٹرل پنجاب) ، فواد عالم (سندھ) اور سعود شکیل (سندھ) ،آلراؤنڈرز میں فہیم اشرف (سنٹرل پنجاب) اور محمد نواز (ناردرن)،وکٹ کیپرز میںمحمد رضوان (نائب کپتان، خیبر پختونخوا) اور سرفراز احمد (سندھ)،اسپنرز میںنعمان علی (ناردرن) ، ساجد خان (خیبر پختونخوا) اور یاسر شاہ (بلوچستان) اور فاسٹ باؤلرز میں حارث رؤف (ناردرن) ، حسن علی (سینٹرل پنجاب) ، شاہین شاہ آفریدی (خیبر پختونخوا) اور تابش خان (سندھ)شامل ہیں ۔
