سندھ بلڈنگ،وسطی میں بلند عمارتیں تعمیر پڑوسیوں کیلئے وبال جان
شیئر کریں
ضیاء کالا کا بیٹر فرحان ڈیوڈ کامران مرزا غیر قانونی تعمیرات کے سرپرست
لیاقت آباد کے پلاٹس B1ایریا31/11اور 31/12 پر بالائی منزلیں تعمیر
سندھ بلڈنگ کنٹرول اتھارٹی میں گزشتہ دنوں کئے جانے والے تبادلوں کے باوجود بھی بھتہ خوری کے مقدمے میں نامزد ملزم ضیاء الرحمن عرف ضیاء کالا کے بنائے گئے پٹہ سسٹم پر کوئی اثر نہیں پڑاہے، موصوف نے اس وقت بھی لیاقت آباد کی تنگ گلیوں میں بلند عمارتوں کی تعمیرات کا ذمہ اٹھا رکھا ہے جبکہ تحقیقاتی ادارے خواب خرگوش میں مگن ہیں جس کا فائدہ اٹھاتے ہوئے اپنے خاص بیٹر فرحان المعروف ڈیوڈ اور برادر نسبتی کامران مرزا کو غیر قانونی امور کی سرپرستی کی مکمل چھوٹ دے رکھی ہے اور کمزور بنیادوں پر بلند عمارتوں کی تعمیر شروع کروا رکھی ہیں جو کہ پڑوسیوں کے لئے وبال جان ہے اس وقت بھی لیاقت آباد B1ایریا کے پلاٹ نمبر 31/11پر پانچویں اور 31/12پر چھٹی منزل کی ناجائز تعمیرات جاری ہیں جو عدالتی حکم عدولی کا منہ بولتا ثبوت ہیں، نمائندہ جرأت سے بات کرتے ہوئے علاقہ مکینوں کا کہنا تھا کہ جاری تعمیرات سے شدید اذیت میں مبتلا ہیں اور وزیر بلدیات سعید غنی اور ڈائریکٹر جنرل اسحاق کھوڑو سے پرزور اپیل کرتے ہیں کہ جاری تعمیرات کو فوری طور پر روکنے کے لئے عملی اقدامات کیے جائیں۔
