ایس سی اواجلاس کی تیاری، اسلام آباد کو دلہن کی طرح سجادیا گیا
ویب ڈیسک
منگل, ۱۵ اکتوبر ۲۰۲۴
شیئر کریں
اسلام آباد میں غیرملکی مہمانوں کو خوش آمدید کہنے کے لیے دلہن کی طرح سجادیا گیا۔ فیض آباد سے راول چوک تک شاہراہ کو کارپٹ کردیا گیا۔ اہم سڑکوں کو مختلف رنگوں میں نہلادیا گیا۔ قدرتی اور مصنوعی رنگ برنگ پودوں سے ہر منظر مزید نکھر گیا۔ پاک فوج سمیت پولیس اور دیگراداروں کے ہزاروں جوان مہمانوں کی سیکیورٹی کیلئے مستعد ہیں شنگھائی تعاون تنظیم کے سربراہی اجلاس کی تیاریوں نے اسلام آباد کو چار چاند لگادیے۔ سرکاری عمارتیں اور شاہراہ دستور کے درخت رات کے اوقات میں برقی قمقموں سے جگمگااٹھے۔ چھوٹی بڑی شاہراہوں پر خیرمقدمی بینرز اور جھنڈوں کی بہار ہے۔۔ راول چوک میں نصب مصنوعی گھوڑا اور تانگہ پاکستان کے ثقافتی رنگ کو اجاگر کررہاہے۔
