کشتی حادثے میں جاں بحق پاکستانیوں کی میتیں پاکستان پہنچنا شروع
شیئر کریں
اسلام آباد: یونان کشتی حادثہ میں جاں بحق ہونے والے پاکستانیوں کی میتیں وطن واپس پہنچنا شروع ہوگئیں۔کشتی حادثے میں جاں بحق ہونے والے پاکستانی باشندوں کی میتیں مرحلہ وار مختلف ایئر پورٹس پر پہنچائی جارہی ہیں۔
حاجی احمد کی میت پرواز نمبر کیو آر0626 سے گزشتہ روز سیالکوٹ پہنچ گئی، محمد عابد کی میت پرواز نمبر کیو آر0626 سے آج دوپہر 2 بجے سیالکوٹ ایئر پورٹ پہنچے گی۔
رحمان علی کی میت پرواز نمبر کیو آر0626 سے یکم جنوری 2025 کو دوپہر 2 بجے سیالکوٹ ایئرپورٹ پہنچے گی، عرفان ارشد اور محمد عبداللہ کی میتیں 2 جنوری کو دن 1 بجکر 10 منٹ پر پرواز نمبر کیو آر0620سے دوحہ سے لاہور ایئر پورٹ پہنچیں گی۔
جاں بحق پاکستانیوں کی میتیں یونان کے ایتھنز ایئرپورٹ سے پہلے دوحہ اوروہاں سے پاکستان کے مختلف ایئرپورٹس پرلائی جائیں گی۔
ذرائع کے مطابق کشتی حادثے میں 80 سے زائد افراد ڈوب گئے تھے جن میں سے 35 کے قریب پاکستانی تاحال لاپتہ بتائے جاتے ہیں۔
