سب مل کر ایک ٹیم کی طرح ملک کو مشکلات سے نکالیں گے، نوازشریف

ویب ڈیسک

اتوار, ۳۱ دسمبر ۲۰۲۳

شیئر کریں

مسلم لیگ ن کے قائد اور سابق وزیراعظم نوازشریف نے کہا کہ سب ملکر ایک ٹیم کی طرح ملک کو مشکلات سے نکالیں گے۔مسلم لیگ ن کے قائد اور سابق وزیراعظم نوازشریف نے پارلیمانی بورڈ کے اجلاس سے خطاب کرتے ہوئے کہا کہ آپ کی سب باتیں میرے دل میں اتری ہیں، آپ نے میری بہت مدد کی ہے، آپ نے میرٹ پر اپنا لوہا منوایا ہے۔نوازشریف نے کہا کہ بجلی کی لوڈشیڈنگ کے خاتمے کے لئے دن رات کام کرکے پراجیکٹ مکمل کرائے، یہ آپ کی خدمت کوئی معمولی خدمت نہیں ہے، شہبازشریف نے مشکل حالات کا صبر کے ساتھ سامنا کیا، گزشتہ ڈیڑھ سال کی حکومت بارے بہت سارے لوگوں نے کہا تھا حکومت نہیں لینی چاہئے تھی۔مسلم لیگ ن کے قائد اور سابق وزیراعظم نے کہا کہ شہبازشریف نے ملک کو اکنامک خطرے سے بچایا۔