مشترکہ اپوزیشن اجلاس میں شہباز شریف کی عدم شرکت ،چھوٹی جماعتیں پھٹ پڑیں

ویب ڈیسک

جمعه, ۳۱ دسمبر ۲۰۲۱

شیئر کریں

مشترکہ اپوزیشن کے اجلاس میں چھوٹی جماعتوں نے شہباز شریف پرتنقیدکرتے ہوئے کہا کہ اپوزیشن لیڈر سنجیدہ نظر نہیں آرہے ۔ذرائع کے مطابق منی بجٹ سے متعلق قومی اسمبلی کے اہم اجلاس سے قبل مشترکہ اپوزیشن کا اجلاس ہوا جس میں چھوٹی جماعتوں کی جانب سے تنقید کی گئی کہ اپوزیشن لیڈر سنجیدہ نظر نہیں آرہے، عوام مہنگائی کے بوجھ تلے دب رہے، اپوزیشن متحرک نظر نہیں آرہی۔چھوٹی جماعتوں کی جانب سے مزید تنقید کی گئی کہ عوام اپوزیشن سے توقعات کر رہے ہیں مگر اپوزیشن متحرک اور فعال نہیں ہے، اپوزیشن لیڈر کو متحرک ہونا پڑے گا اور اجلاسوں میں شہباز شریف کو آنا چاہئے۔