رینجرز،پولیس کی اورنگی ٹاؤن میں مشترکہ کارروائی
شیئر کریں
رینجرز اور پولیس نے اورنگی ٹاؤن میں مشترکہ کارروائی کرتے ہوئے لیاری گینگ وار کے انتہائی مطلوب دہشت گرد کو گرفتار کرلیا۔ترجمان رینجرز کے مطابق انٹیلی جنس معلومات پر معلوم ہوا کراچی سے بھاگ ہوا لیاری کا انتہائی مطلوب دہشت گرد اسماعیل عرف پیترا اورنگی ٹاؤن کے علاقے مومن آباد میں روپوش ہے، رینجرز اور پولیس نے جمعے اور ہفتے کی درمیانی شب مومن آباد کے علاقے میں چھاپہ مارکر ملزم اسماعیل عرف پینترا کو گرفتار کرلیا۔رینجرز اعلامیے کے مطابق ملزم قتل ، اقدام قتل ، بھتہ خوری ، اغوا برائے تاوان ، پولیس مقابلوں ، منشیات فروشی اور جرائم کی سنگین وارداتوں میں ملوث ہیں، ملزم نے دوران تفتیش رینجرز اور پولیس کو بتایا کراچی آپریشن شروع ہونے کے بعد وہ 2016 میں گرفتاری کے خوف کے باعث بیرون ملک فرار ہوگیا تھا، حال ہی میں کراچی آکر لیاری گینگ وار کو فعال کررہا تھا، رینجرز نے قانونی چارہ جوئی کے لیے ملزم کو پولیس کے حوالے کردیا۔رینجرز نے عوام سے اپیل کی ہے جرائم کی وارداتوں اور مشکوک سرگرمیوں میں ملوث عناصر کی اطلاع رینجرز ہیلپ لائن نمبر 1101 پر دیں۔
