رمضان شوگر مل کیس 'حمزہ شہباز کے ریمانڈ میں مزید 14دن کی توسیع

ویب ڈیسک

بدھ, ۳۰ اکتوبر ۲۰۱۹

شیئر کریں

لاہور کی احتساب عدالت نے رمضان شوگر مل کیس میں پنجاب اسمبلی میں قائدِ حزبِ اختلاف حمزہ شہباز شریف کے جوڈیشل ریمانڈ میں مزید 14 روز کی توسیع کر دی۔بدھ کو احتساب عدالت لاہور میں میاں محمد شہباز شریف اور حمزہ شہباز کے خلاف رمضان شوگر مل کیس کی سماعت جج امجد نذیر چوہدری نے کی۔سماعت کے دوران شہباز شریف کا میڈیکل سرٹیفکیٹ اور حاضری سے استثنیٰ کی درخواست پیش کی گئی۔میاں شہباز شریف کے وکیل نے عدالت کو بتایا کہ شہباز شریف کمر میں تکلیف کی وجہ سے نہیں آ سکے ۔عدالت نے شہباز شریف کی حاضری سے استثنیٰ کی درخواست منظور کر لی اور سماعت مزید کارروائی کے لیے 12 نومبر تک ملتوی کر دی۔عدالت نے آئندہ سماعت پر کیس کا مکمل ریفرنس دائر کرنے کا حکم دے دیا۔