نواز شریف کی واپسی ،برطانیا کو دوبارہ خط لکھنے کیلئے وزیراعظم کی ہدایت
شیئر کریں
وزیراعظم عمران خان کی زیرصدارت وفاقی کابینہ کے اجلاس میں نواز شریف کو ہر صورت وطن واپس لانے کا اصولی فیصلہ کرتے ہوئے کہا گیا کہ برطانوی حکومت کی مدد سے نواز شریف کو واپس لائیں گے۔تفصیلات کے مطابق وزیراعظم عمران خان کی زیرصدارت وفاقی کابینہ کااجلاس ہوا، جس میں ملکی سیاسی،سلامتی اور مجموعی صورت حال کا جائزہ لیا گیا اور وفاقی کابینہ نے16نکاتی ایجنڈے کے متعددنکات کی منظوری دے دی۔اجلاس میں مسلم لیگ ن کے رہنماؤں کی بیان بازی پر بھی غور کیا گیا ، وزرا نے کہا لیگی رہنماغلطی تسلیم کرنے کے بجائے اداروں کو متنازع بنا رہے ہیں۔وفاقی کابینہ نے نواز شریف کو ہر صورت وطن واپس لانے کا اصولی فیصلہ کرلیا ، وزیراعظم عمران خان نے کہا کہ نواز شریف کو واپس لانے کیلئے قانونی آپشنز استعمال کئے جائیں، برطانوی حکومت کی مدد سے نواز شریف کو واپس لائیں گے۔عمران خان کا کہنا تھا کہ نواز شریف بیماری کا بہانہ بنا کر ملک سے بھاگے ہیں، ان کو نواز شریف کو وطن واپس آکرعدالتوں کے سامنے پیش ہوناہوگا، کسی صورت این آر او نہیں ملے گا اور نہ کرپشن پر کسی کو کوئی معافی ملے گی۔ذرائع کے مطابق کابینہ نے احمد نوازسکھیرا کواسلام آبادکلب کاایڈمنسٹریٹر تعینات کرنے اور پاکستان میڈیکل کمیشن ایکٹ کے تحت ایم ڈی سی کے آئین کی منظوری دے دی جبکہ پاکستان ریلویزکی بحالی کے لیے مجوزہ پلان کی منظوری مؤخر کردی گئی۔ٹیلی میٹری سسٹم سبوتاژکرنیکی انکوائری رپورٹ کابینہ میں پیش کی گئی اور ٹی سی پی کی جانب سے درآمد گندم کی پری شپمنٹ انسپیکشن کی اجازت دے دی جبکہ ورجن ایٹلانٹک ایئرویزکوپاکستان کیلئے پروازوں کی اجازت دینے کی بھی منظوری دی گئی۔ذرائع کا کہنا ہے کہ ایف آئی اے شیڈول میں نئی قوانین کی شمولیت کی منظوری کا معاملہ مؤخر کردیا گیا اور افغانستان کیلئے ویزا پالیسی سے متعلق ریشنلائزیشن کی منظوری اور بایولاجیکل ادوایات کیلئے وفاقی حکومت کا مشیر تعینات کرنے کی منظوری بھی دی۔وفاقی کابینہ نے اقتصادی رابطہ کمیٹی اور کابینہ کمیٹی برائیتوانائی کے فیصلوں کی توثیق بھی کردی۔
