اسٹیٹ بینک کے دیگر بینکوں پر 29 کروڑ 3 لاکھ روپے سے زائد کے جرمانے

جرات ڈیسک

هفته, ۲۹ اکتوبر ۲۰۲۲

شیئر کریں

اسٹیٹ بینک آف پاکستان نے جولائی تا ستمبر 2022 کے دوران دیگر بینکوں پر 29 کروڑ 3 لاکھ 63 ہزار روپے کے جرمانے کیے۔ اسٹیٹ بینک کے مطابق جولائی تا ستمبر 2022 کے دوران 6 بینکوں پر جرمانے لگائے گئے، بینکوں کے ریگولیٹری قواعد و ضوابط میں کوتاہی پائی گئی۔ نوٹیفکیشن کے مطابق 2 بینکوں پر فارن ایکسچینج کی مد میں بھی جرمانے کیے گئے جبکہ 5 بینکوں پر عام بینکاری اور 4 پر اثاثوں کی کوالٹی کی مد میں جرمانہ ہوا۔ اسٹیٹ بینک نے بینکوں کو اپنے کنٹرول پروسیس مضبوط بنانے کی ہدایت بھی کی ہے۔