نیویارک میں لوگوں سے قیمتی ایپل ہیڈفون چھیننے والا گروہ سرگرم
شیئر کریں
کراچی میں ایک جانب جہاں موبائل فون چھیننے کی روش عام ہے اب عین اسی طرح نیویارک میں چوروں کا منظم گروہ کام کر رہا ہے جو پارک، یا ریستورانوں میں بیٹھے افراد کے سر سے قیمتی ایپل ہیڈ فون چھین کر فرار ہوجاتا ہے۔یہ سلسلہ 28 جنوری سے شروع ہوا اور اب تک 21 افراد اپنے قیمتی ایپل ہیڈفون سے محروم ہوچکے ہیں۔ ہیڈفون ڈکیتوں میں کم سے کم چار افراد شامل ہے۔ ان میں سے دو افراد ایئربڈز پہنے شخص کے پیچھے جاکر ہیڈفون چھین لیتے ہیں اور فوراً فرار ہوجاتے ہیں۔تاہم چالاک چور ہر ماڈل کو پہچانتے ہیں اور بطورِ خاص، ایپل میکس ہیڈفونز چھینتے ہیں جن کی قیمت 549 ڈالر تک ہے۔ پاکستانی روپوں میں اس کی قدر 140000 روپے ہے کیونکہ یہ شور کو کم کرتے ہیں اور نوائز کینسل کرنے کی خاصیت بھی رکھتے ہیں۔ اس طرح ہیڈفون لگا کر ا?پ اطراف کا شور سننے سے محفوظ رہ سکتے ہیں۔پولیس کے مطابق اگرچہ یہ واقعات ہر جگہ ہوئے ہیں لیکن سب سے زیادہ وارداتیں نیویارک کے مشہور سینٹرل پارک میں ہوئی ہیں اور 18 سے 41 برس کے افراد اس کا نشانہ بنے ہیں۔ عموماً یہ ڈکیت دوپہر میں واردات کرتے ہیں۔
