ٹیلی ویژن کے لیجنڈ اداکار وکیل فاروقی انتقال کر گئے
شیئر کریں
سال 2019ء جاتے جاتے اپنے ساتھ ایک اور سینئر اداکار کو بھی لے گیا، ٹیلی ویڑن کے لیجنڈ اداکار وکیل فاروقی انتقال کر گئے ، ان کی عمر 73 برس تھی۔وکیل فاروقی 25 دسمبر کو آرٹس کونسل سے گھر جا رہے تھے کہ راستے میں اچانک ان کی طبیعت خراب ہو گئی جس کے بعد انہیں ہسپتا ل لے جا گیا، مگر ان کی طبیعت نہ سنبھلی اور وہ انتقال کر گئے ،انہیں پی ٹی وی کے ڈرامے ٹیپو سلطان سے شہرت حاصل ہوئی، ان دنوں وہ اپنی ایک ٹیلی فلم کی شوٹنگ میں مصروف تھے ، تاہم وہ اسے مکمل نہ کرسکے ۔وکیل فاروقی نے 2 درجن سے زائد اسٹیج ڈراموں میں بطور رائٹر و ڈائریکٹر اپنی خدمات سر انجام دیں۔انہوں نے بطور مصنف و ہدایتکار کلاسک ٹیلی فلم مرزا غالب ان گل رنگ بنائی جبکہ ان کی زیرِ تکمیل ٹیلی فلم محبت زندہ رہے گی تھی۔وکیل فاروقی کی عمر 73 سال تھی، انہوں نے شادی نہیں کی تھی، جبکہ ورثاء میں اپنے 2 بھائی اور ایک بہن کو سوگوار چھوڑا ہے ۔
