پی ٹی آئی کور کمیٹی کا اجلاس آج ہوگا
شیئر کریں
وزیراعظم عمران خان نے تحریک انصاف کی کور کمیٹی کا اجلاس آج (اتوار کو) بنی گالہ میں طلب کرلیا ہے ۔ذرائع کے مطابق وزیر اعظم عمران خان نے قومی معاملات پارٹی کے سب سے بڑے فورم پر زیر بحث لانے کا فیصلہ کیا ہے ،اسی سلسلے میں اتوار کو بنی گالہ میں ہونے والے تحریک انصاف کی کور کمیٹی کے اجلاس میں پارٹی منشور پر عملدرآمد سے متعلق حکمت عملی طے کی جائیگی۔ذرائع کے مطابق گز شتہ کور کمیٹی اجلاس میں بنائی گئی کمیٹیاں اپنی ابتدائی رپورٹس پیش کریں گی، کورکمیٹی اجلاس میں حکومتی بیانیے کو موثر بنانے کی حکمت عملی طے کی جائے گی۔اس کے علاوہ اجلاس میں نوازشریف کی صحت کی رپورٹس سمیت پولیس ریفارمز، گورننس ریفارمز اور پارلیمانی سیاست پر غور بھی کیا جائے گا۔ذرائع کے مطابق کور کمیٹی کے اجلاس میں چیئرمین پبلک اکانٹس کمیٹی اور الیکشن کمیشن کے ممبران کی تقرری پر بھی مشاورت ہوگی۔
