6 اور 7 مئی کو انڈیا سے زیادہ پاکستان کا نقصان پی ٹی آئی نے 9 مئی کو کیا، مریم نواز
شیئر کریں
وزیراعلیٰ پنجاب مریم نواز کا کہنا ہے کہ 6 اور 7 مئی کو انڈیا سے زیادہ پاکستان کا نقصان پی ٹی آئی نے 9 مئی کو کیا۔ سرگودھا میں لیپ ٹاپ تقسیم کرنے کی تقریب سے خطاب کرتے ہوئے انہوں نے کہا کہ جو کچھ نو مئی کو کیا گیا اور جو کچھ اب بھارت نے کیا ان دونوں میں زیادہ فرق نہیں ہے، نو مئی کو ایک جماعت نہ جو کچھ کیا وہی سب کچھ دہشتگرد بھی کرتے ہیں اور وہی کچھ ہمارے دشمن بھارت نے بھی اس مرتبہ کرنے کی کوشش کی، نو مئی والوں کا بھی نشانہ ہماری افواج اور تنصیبات تھیں اور بھارت کا بھی وہی نشانہ تھا۔وزیراعلیٰ پنجاب نے ہدایات کی کہ کبھی اپنی دھرتی ماں کے خلاف قدم مت اٹھانا، فتنہ فساد کا ایندھن بننے سے دور رہنا، کبھی اپنے وطن کے خلاف زبان مت چلانا، کبھی اپنے ملک کو نقصان نہ دینا اور نہ ہونے دینا، کبھی اپنی سرزمین کو شرمندہ مت کرنا، جس طرح آپ اپنے لیپ ٹاپ کو سنبھالتے ہیں کہ اس میں وائرس نہ آجائے، اسی طرح آپ نے اپنے صوبے اور ملک کو بھی سنبھال کررکھنا ہے کہ اس میں کوئی سیاسی وائرس نہ آجائے، ہم پتھر نہیں بلکہ قلم اٹھائیں گے، ہم بندقیں نہیں بلکہ لیپ
ٹاپ اٹھائیں گے، ہم پاکستان کے ہوں گے کسی فتنے اور سازش کے نہیں ہوں گے۔مریم نواز کا کہنا ہے کہ ریاست ماں جیسی ہوتی ہے، ریاست کا کام بچوں کو صرف سکول کالج پڑھانا نہیں، آپ کی ماں جو یہاں پر کھڑی ہے وہ آپکو کامیاب کرنے کیلئے دن رات ایک کردے گی۔ میں اپنیبچوں کو آگے بڑھتا دیکھنا چاہتی ہوں، اگر بیٹی بہادری اختیار کرے، بیٹی چاہے تو اس کو آگے بڑھنے سے کوئی نہیں روک سکتا، مجھے بھی روکنے کی بہت کوشش کی گئی، زندانوں میں قید کیا گیا، جیلوں میں ڈالا گیا، سزائے موت کے قیدیوں کی چکی میں ڈالا گیا لیکن اللہ تعالیٰ کا کرم دیکھیں آج میں پنجاب کی پہلی خاتون وزیراعلیٰ بن کریہاں کھڑی ہوں۔
