باہر سے آئے کسی بھی فرد کو مسلط نہیں ہونے دینگے
شیئر کریں
مہاجر قومی موومنٹ(پاکستان) کے چیئر مین آفاق احمد نے NA-240میں ہونے والے ضمنی انتخاب میں حصہ لینے والے مردوخواتین پولنگ ایجنڈ اور دیگر برادریوں کے وفود کے اعزاز میں تقریب کا انعقاد کیا ہے جس میں آفاق احمد نے تمام افراد کی کاوشوں کوسرہاتے ہوئے شکریہ ادا کیا جبکہ نادانستگی میں ہونے والی کوہتائیوں اور غلطیوں سے آگاہ بھی کیا۔ انہوں نے کہا کہ ہمیں آئندہ ہونے والے بلدیاتی انتخابات میں مزید اتحاد و محنت کرنے کی ضرورت ہے، قوم شدید گرمی کے باوجود گھروں سے نکلی مگر ووٹر لسٹوں میں ردوبدل اور ٹھپہ مافیاکی سازشوں نے ساری قوم کی محنت مٹی میں ملا دی ووٹنگ کے پیک آوور میں منظم انداز میں ہمارے مضبوط حلقوں کو فائرنگ کرکے لوگوں کو گھروں میں محصور کردیا جبکہ دوسری جانب بیشتر پولنگ اسٹیشنزمیں پرائزاڈینگ آفسران کی ملی بھگت سے ٹھپوں کا عمل جاری رکھا۔ آفاق احمد نے کہا کہ باہر سے آئے اسلام کے لبادے میں ملبوس اسلحہ برداروں نے الیکشن نتائج اپنے حق میں تبدیل کرنے کیلئے معصوم نوجوانوں کو خون میں نہلانے سے بھی دریغ نہیں کیا قوم ناامید ہونے کے بجائے اپنی کمزوریوں کو دورکرکے پرعزم انداز میں آئندہ ہونے والی بلدیاتی انتخابات کی تیاریا ں تیز کریں کیونکہ مخالفین ضمنی انتخابات کے نتائج کو سامنے رکھتے ہوئے آئندہ کا لائحہ عمل بنائیگی اب ہماری بھی ذمہ داری بنتی ہے کہ آئندہ آئندہ الیکشن میں مکمل تیاری اور اتحاد کے ساتھ الیکشن میں حصہ لیں۔انہوں نے کہا کہ بدقسمتی سے ہماری سیاست میں الیکشن کے دوران معصوم زندگیوں کا لقمہ اجل بننا معمول بن چکا ہے جو سیکورٹی اداروں اور الیکشن کمیشن کی کارکردگی پر سوالیہ نشان جوصاف و شفاف الیکشن کے نتائج کی نفی ہے جسے موثر بنانے کیلئے الیکشن کا عمل پرامن ہونا ضروری ہے۔
