سندھ حکومت میں کوئی اختلاف نہیں،ناصر شاہ

ویب ڈیسک

منگل, ۲۱ مئی ۲۰۲۴

شیئر کریں

صوبائی وزیر ناصر حسین شاہ نے کہا ہے کہ سندھ حکومت میں کوئی اختلاف نہیں ہے ، مراد علی شاہ ہی وزیراعلیٰ رہیں گے ۔ سندھ اسمبلی میں میڈیا سے بات چیت کرتے ہوئے ناصر حسین شاہ نے کہا کہ مراد علی شاہ کے باعث پیپلز پارٹی نے الیکشن میں بھرپور کامیابی حاصل کی ہے ۔انہوں نے کہا کہ جن کو کچھ نہیں ملا وہ اختلافات کی باتیں کر رہے ہیں۔ وزارتوں کو فیصلہ قیادت کرتی ہے ۔ قیادت نے نئے لوگ کو موقع دیا ہے ، دیگر لوگوں کو بھی موقع ملے گا۔ایرانی صدر کے ہیلی کاپٹر حادثے میں انتقال پر بات کرتے ہوئے کہا کہ ایرانی صدر اور وزیر خارجہ کے جاں بحق ہونے پر سندھ حکومت اور وزیراعلی غمزدہ ہیں۔حالیہ لوڈ شیڈنگ پر بات کرتے ہوئے ناصر حسین شاہ کا کہنا تھا کہ شدید گرمی ہے لوڈ شیڈنگ کو کنٹرول کرنا ہوگا۔ وفاقی وزیر اویس لغاری سے اس مسئلے پر بات کی ہے ۔