پی آئی اے کی مزید ملکی اور غیر ملکی 18 پروازیں منسوخ

جرات ڈیسک

جمعه, ۲۰ اکتوبر ۲۰۲۳

شیئر کریں

قومی ائیر لائن کی مزید 18 ملکی و غیر ملکی پروازیں منسوخ کردی گئی ہیں جن میں کراچی آنے جانے کی 14 پروازیں بھی شامل ہیں۔ کراچی سے لاہور، بہاولپور رحیم یار خان اور کوئٹہ کی 4 پروازیں منسوخ کی گئیں، کراچی سے اسلام آباد کے لیے پی کے 308 اور پی کے 368 منسوخ کی گئی ہے۔اس کے علاوہ دمام، مسقط، لاہور، بہاولپور، رحیم یار خان اور کوئٹہ سے کراچی کی پروازیں منسوخ جبکہ اسلام آباد سے کراچی کیلئے پی کے 319 اور پی کے 369 بھی منسوخ کردی گئیں۔اسلام آباد سے سکھر اور کوئٹہ آنے جانے کی 4 پروازیں منسوخ کردی گئیں ،کراچی مدینہ کی پرواز پی کے 743 کی روانگی 6 گھنٹہ 20 منٹ کی تاخیر کا شکار ہوگئی۔اسلام آباد اور جدہ کیلئے دن 11 بجے کی پرواز پی کے 735 میں 14 گھنٹے کی تاخیر کی گئی ہے اور ملتان سے مدینہ کی پرواز کا4 گھنٹے 25 منٹ کی تاخیر کے بعد دوپہر 12 بجے کا بتایاگیا۔