2300 سال پرانا سیڑھی والا کنواں
شیئر کریں
گاؤں شموزئی (تحصیل کاٹلنگ،مردان) کا سیڑھی والا کنواں تقریباً 2300 سال پرانا ہے جس کا تعلق اشوک کے دور سے ہے۔ بلکہ بعض بزرگ 5000 سال کا حوالہ دیتے ہیں۔ اس قسم کے کنویں بنیادی طور پر ان دیہاتوں، آبادیوں میں واقع ہوتے ہیں جو دامن میں رہتے ہیں۔ کہا جاتا ہے کہ اس طرح کے دو دیگر کنویں آسام اور کشمیر میں بھی موجود ہیں۔
اس کنویں میں تقریباً 30 گول سیڑھیاں ہیں جن میں سے ہر ایک کی اونچائی 10 – 14 انچ ہے جبکہ اصل کنواں سینکڑوں فٹ گہرا بتایا جاتا ہے۔ گاؤں کے باشندے یا تو پانی سے بھرے گھڑے یا بالٹیاں نسبتاً آلودہ پانی سے براہ راست کنویں سے نکالتے یا پھر وہ پمپ کیے گئے پانی کو گہری سطح پر استعمال کرتے۔ پانی کا یہ کنواں مئی،جون میں اس طرح نیچے جاتا ہے جیسے تصویر میں ہے، اور مون سون کے دوران یہ اوپر تک آجاتا ہے اور آنے والوں کے لیے کشش کا ذریعہ بن جاتا ہے۔
