قبائلی علاقوں میں ریاستی ادارے اپنی رٹ کھو چکے ہیں،فضل الرحمان
شیئر کریں
جمعیت علمائے اسلام کے امیر مولانا فضل الرحمان نے کہا ہے کہ قبائلی علاقوں میں ریاستی ادارے اپنی رٹ کھو چکے ہیں۔اپنے بیان میں مولانا فضل الرحمان کا کہنا تھا کہ جے یو آئی رہنما مولانا مرزا جان کی قاتلانہ حملے میں شہادت حکومت اور اداروں کی کارکردگی پر بدنما داغ ہے ، قبائلی علاقے میں بڑھتی ہوئی بدامنی اور علما کی ٹارگٹ کلنگ نے قوم کے اندر عدم تحفظ کا احساس پیدا کیا ہے ۔ مولانا فضل الرحمان نے کہا کہ سکیورٹی ادارے سکیورٹی کے علاوہ ہر معاملے میں مداخلت کرکے ملک کو بنانا ریپبلک بنا رہے ہیں، امن و امان کی صورتحال سے واضح ہوتا ہے کہ حکومت اور ریاستی ادارے مولانا مرزا جان کے قاتلوں کو بے نقاب کریں اور حقائق قوم کے سامنے لائیں۔ ان کا مزید کہنا تھا کہ مولانا مرزا جان کی قومی، دینی اور سیاسی خدمات کر خراج تحسین پیش کرتا ہوں، مولانا مرزا جان کے خاندان، شاگردوں اور جماعتی کارکنوں سے اظہار تعزیت کرتا ہوں۔
