زرداری نے (ن) لیگ کوختم کردیا،فضل الرحمان قل پڑھائیں‘ شیخ رشید
شیئر کریں
سابق وزیر داخلہ شیخ رشید نے کہا ہے کہ کیس ختم پیسہ ہضم،آصف زرداری نے (ن) لیگ کوختم کردیا، مولانافضل الرحمان آئیں (ن) لیگ کے قل پڑھائیں، قوم نے غیرملکی سازش کوبلے سے پھینٹا ہے،آج عمران خان پاکستان نہیں عالم اسلام کی آوازہے، میں نے اتنی گھٹیا تھرڈ گریٹ حکومت کبھی نہیں دیکھی، اب کوئی حل نہیں شہباز شریف اسی ہفتے اسمبلی توڑیں، نگراں حکومت بنائی جائے اور الیکشن کا اعلان کیاجائے، پہلے ہی کہا تھا 15جولائی سے 30 اگست ملک کے اہم فیصلے ہو جائیں گے،رانا ثنااللہ نے میری تینوں بہنوں کے گھروں میں چھاپے مارے ، منشیات فروش وزیرداخلہ کو کوئی شخص سلیوٹ مارنا بھی پسند نہیں کرتا۔میڈیا سے گفتگو کرتے ہوئے شیخ رشید نے کہا کہ آپ کو لاہور میں بلے نے 3 جگہ مارا ہے، باوقار غیر جانبدار اور شفاف الیکشن سے عوام میں خوشی کے لہر ہے۔انہوںنے کہا کہ انہوںنے ایف آئی اے اور نیب میں اپنے بندے لگائے ،اینٹی کرپشن میں گریڈ20کا آدمی لگایاتاکہ عمران خان کے ساتھیوں کو تنگ کیا جائے، ان کے جلسوں میں کروڑوں روپے خرچ کئے گئے ، ان کے خلاف ایک پرچہ بتائیں جو میں نے بطور وزیرداخلہ کیا ہو۔لاہور میں ان کو سیاسی طورپر ذبح کردیا گیا ، شہباز شریف اب سی ڈی اے کا وزیراعظم رہ گیا ہے،شہبازشریف کی حکومت 2 ووٹ پر کھڑی ہے، اب اسمبلیاں توڑ دیں۔انہوںنے کہا کہ ماڈل ٹائون کے قاتل کے خلاف لاہورمیں رٹ پٹیشن دائرکی ،اوورسیز کو ووٹ کا حق دلانے کیلئے سپریم کورٹ جا رہا ہوں، اوورسیز میں 85 فیصدعمران خان کا ووٹر ہے۔معاشی صورتحال کے حوالے سے شیخ رشید نے کہاکہ 400 ٹیکسٹائل ملز بند ہوگئیں، ترسیلات زر کم ہوگئیں، پاکستان کے زرمبادلہ کے ذخائر کم ہورہے ہیں۔ملک میں مہنگائی کی شرح34فیصدبڑھ گئی ہے اور کوئی حل نہیں، شہبازشریف اسمبلیاں توڑیں،الیکشن کااعلان کریں۔ انہوںنے کہا کہ غیرملکی سازش ہوئی تو انہوںنے سمجھا عمران خان گھر چلا جائے گا، عمران خان ان سب کو گھر بھیج کر جائے گا۔کیس ختم پیسہ ہضم ،آصف زرداری نے (ن)لیگ کوختم کردیا، (ن)لیگ کا لکشمی چوک میں سیاسی جنازہ نکلا ہے ، مولانا فضل الرحمان آئیں (ن) لیگ کے قل پڑھائیں۔ عمران خان کے ساتھ چٹان کی طرح کھڑے ہیں، پی ٹی آئی نے فیصلہ کرناہے اگرمجھ سے کوئی رائے مانگی گئی تودوں گا، میری چھوٹی سی جماعت ہے لیکن چٹان کی طرح عمران خان کے ساتھ کھڑاہوں۔
