آٹھ ماہ میں قومی بچت کی اسکیموں میں217ارب روپے کی سرمایہ کاری

ویب ڈیسک

منگل, ۱۹ مارچ ۲۰۱۹

شیئر کریں

رواں مالی سال 2018ـ19ء کے پہلے 8 ماہ میں جولائی تا فروری کے دوران قومی بچت کی مختلف ا سکیموں میں کی جانے والی سرمایہ کاری میں126 فیصد کا نمایاں اضافہ ہوا ہے ۔ سینٹرل ڈائریکٹوریٹ آف نیشنل سیونگز( سی ڈی این ایس) کے اعدادوشمار کے مطابق جاری مالی سال میں جولائی تا فروری2018ـ19ء کے دوران قومی بچت کی مختلف سکیموں میں217 ارب روپے کی سرمایہ کاری کی گئی ہے جبکہ گزشتہ مالی سال میں جولائی تا فروری2017ـ18ء کے دوران مختلف بچت سکیموں میں96 ارب روپے کی سرمایہ کاری کی گئی ہے ۔ اس طرح گزشتہ مالی سال کے مقابلہ میں جاری مالی سال کے پہلے 8 مہینوں کے دوران قومی بچت کی ا سکیمز میں126 فیصد یعنی 121؍ارب روپے کی زیادہ سرمایہ کاری ریکارڈ کی گئی ہے ۔