کے پی ٹی کرپشن کیس ،بابر غوری کے پھر ناقابل ضمانت وارنٹ جاری
شیئر کریں
احتساب عدالت میں کے پی ٹی میں تین ارب روپے سے زائد کی کرپشن کا معاملہ ، عدالت نے سابق وفاقی وزیرمفرور ملزم بابر غوری و دیگرکے ایک بار پھر ناقابل ضمانت وارنٹ گرفتاری جاری کردیے ہیں ۔جمعرات کو کے پی ٹی میں تین ارب روپے کرپشن کیس میں ایم کیو ایم کے رکن سندھ اسمبلی ملزم جاوید حنیف و دیگر احتساب عدالت میں پیش ہوئے جہاں ایک بار پھر عدالت نے سابق وفاقی وزیرمفرور ملزم بابر غوری و دیگرکے ناقابل ضمانت وارنٹ گرفتاری جاری کردیے، تاہم تفتیشی افسر نے مفرور ملزمان کی گرفتاری کے لیے مہلت طلب کی جس پرعدالت نے ریفرنس کی مزید سماعت 3نومبر تک ملتوی کردی۔ریفرنس میں بابر غوری سمیت 8ملزمان کو نامزد کیا گیا ہے ،دیگر ملزمان رؤف اختر فاروقی،ایم کیو ایم کے رکن اسمبلی جاوید حنیف شامل ہیں ،نیب کا کہنا ہے کہ ملزمان پر 2012 میں کے پی ٹی میں 940غیر قانونی بھرتیوں کا الزام ہے ،ملزمان نے قومی خزانے کو دو ارب اٹھاسی کروڑ پچپن لاکھ سترہ ہزار آٹھ سو انسٹھ روپے کا نقصان پہنچایا۔
