مشکلات کے باوجود ملک میں امن وترقی کی بنیادرکھ دی ،آرمی چیف
شیئر کریں
آرمی چیف جنرل قمر جاوید باجوہ نے کہا ہے کہ مشکلات اورقربانیوں کیساتھ ملک میں امن اورترقی کی بنیاد رکھی اب نوجوان ملک کونئی بلندیوں پر لے جانے کیلئے آگے آئیں۔آئی ایس پی آر کے مطابق آرمی چیف جنرل قمرجاویدباجوہ نے گورنمنٹ کالج یونیورسٹی لاہور کا دورہ کیا اور یونیورسٹی کے کانووکیشن میں بطور مہمان خصوصی شرکت کی۔اس موقع پر یونیورسٹی کے چانسلر گورنرپنجاب چوہدری محمدسرور بھی موجود تھے۔ آرمی چیف نے فارغ التحصیل طلبہ میں ڈگریاں اور میڈل تقسیم کرتے ہوئے اساتذہ اور انتظامیہ کی کارکردگی کو سراہا۔آرمی چیف نے کہا کہ گورنمنٹ کالج یونیورسٹی تعلیمی اداروں میں نمایاں حیثیت رکھتاہے گورنمنٹ کالج نے ہمیشہ عالمی سطح پرتعلیم وترویج میں حصہ لیا نوجوان قائداعظم کے وڑن کیمطابق سخت محنت کو اپنا اصول بنائیں نوجوان اپنیخیالات،مقاصدبلندرکھ کرملکی وقارمیں اضافہ کریں۔آرمی چیف کا کہنا تھا کہ نوجوان اثاثہ ہیں روشن مستقبل کیلئے اپناکردار ادا کریں کہ مشکلات اورقربانیوں کیساتھ ملک میں امن اورترقی کی بنیاد رکھی اب نوجوان ملک کونئی بلندیوں پر لے جانے کیلئے آگے آئیں۔
