ٹریفک حادثات، گورنر سندھ کا وزیر اعلیٰ کو خط، کمیشن بنانے کا مشورہ
شیئر کریں
عوام میں شدید بے چینی اور تحفظات ہیں، حکومت کو فوری اقدامات اٹھانے چاہئیں
ڈمپر، ٹرک اور واٹر ٹینکرز ڈرائیوروںکی لاپرواہ ڈرائیونگ پر شدید تشویش کا اظہار
گورنر سندھ کامران خان ٹیسوری نے وزیر اعلیٰ سندھ کو خط لکھ کر شہر میں ڈمپر، ٹرک اور واٹر ٹینکرز ڈرائیوروں کی لاپرواہ ڈرائیونگ پر شدید تشویش کا اظہار کیا ہے۔ کامران ٹیسوری نے خط میں کہا کہ گزشتہ چند مہینوں میں ٹریفک قوانین کی خلاف ورزیوں اور حادثات میں خطرناک حد تک اضافہ ہوا ہے، جس سے شہریوں کی جان و مال کو شدید خطرات لاحق ہیں۔ گورنر سندھ نے تجویز دی کہ چیف سیکرٹری کی سربراہی میں ایک اعلی سطحی کمیشن تشکیل دیا جائے جو ٹریفک حادثات کی وجوہات کی نشاندہی کرے اور ذمہ داروں کا تعین کرے تاکہ ملزمان کو قانون کے مطابق کٹہرے میں لایا جا سکے۔ انہوں نے مزید کہا کہ ایسے حادثات کی روک تھام کے لیے موثر حکمت عملی بنانا ضروری ہے تاکہ مستقبل میں شہریوں کی قیمتی جانوں کا تحفظ یقینی بنایا جا سکے۔گورنر سندھ نے اس بات پر بھی زور دیا کہ اس وقت عوام میں شدید بے چینی اور تحفظات پائے جاتے ہیں لہذا حکومت کو فوری اور موثر اقدامات اٹھانے چاہئیں تاکہ شہریوں کی قیمتی جانوں کا تحفظ یقینی بنایا جا سکے۔
