پرنس ایونیو اپارٹمنٹ میں پیدا گیر پولیس اہلکاروں کا فراڈ
شیئر کریں
پولیس ڈرائیور خالد ، سپاہی علی کشمیری اور ابراہیم شاہوانی نامی 3رکنی گروہ کی غنڈہ گردی عیاں
کروڑوں کی بندربانٹ ، مکینوں کو حراساں کرکے رقم کی وصولیاں ، غیر اخلاقی سرگرمیاں جاری
سندھ پولیس کو بدنام کرنے والے اہلکاروں میں شامل ایک گروپ نے گارڈن ویسٹ میں قائم پرنس ایونیو اپارٹمنٹ کے بلاک D کو اپنی پیدا گیری کا ذریعہ بنا رکھا ہے ، برسوں سے لوٹ کھسوٹ کرنے والے عناصر پر الزام ہے کہ انہوں نے 3 کروڑ کا ہیر پھیر کی ہے ، اس گروپ میں محکمہ پولیس کا ڈرائیور خالد اور اس کا بیٹا ، پولیس کا سپاہی علی کشمیری، شامل بتائے جاتے ہیں جبکہ ابراہیم شاہوانی نامی شخص بھی اسی گروپ کا حصہ ہے ، ذرائع کا کہنا ہے یہ افراد برسوں سے پولیس کے نام پر سادہ لوح افراد کو ڈرا دھمکا رہے ہیں ، علی کشمیری نامی پولیس اہلکار بظاہر مکینوں سے وصولیاں نہیں کرتا مگر اپنا حصہ ہر ماہ وصول کرتا ہے ، خالد نامی پولیس اہلکار نے عمارت کی چھت پر سولر بھی اسی پیسے سے نصب کروایا، وصولی کی ذمہ داری پر بیٹا مامور ہے ، دوسری جانب تھانہ سولجربازار کے ایس ایچ او پر بھی یہ الزام عائد کیا جارہا ہے کہ وہ بدعنوان عناصر کی سرپرستی کررہے ہیں ۔
