بے نظیر انکم اسپورٹ پروگرام، ادائیگی مرکز کی چھت گرنے سے 8 خواتین جاں بحق، 70سے زائد زخمی
شیئر کریں
رقم کی وصولی کے سلسلہ میںخواتین دوکان کی چھت پرچڑھ گئیں جس سے کمزورچھت اچانک زمین بوس ہوگئی،ضلعی انتظامیہ
متعدد کی حالت تشویشناک علاقہ بھرکی فضاسوگوار،وزیراعلیٰ پنجاب کانوٹس، رپورٹ طلب کرلی، لواحقین سے اظہارتعزیت
بے نظیرانکم سپورٹ پروگرام کی رقم وصولی کے دوران دوکان کی چھت گرنے سے ملبے تلے دب کر8خواتین جاں بحق 70سے زائدزخمی طبی امداد کیلئے شیخ زید ہسپتال منتقل متعدد کی حالت تشویشناک علاقہ بھرکی فضاسوگوار کارروائی کے بعد میتیں تدفین کیلئے ورثاکے حوالے کردیں گئیں وزیراعلی پنجاب کا واقعہ پرنوٹس رپورٹ طلب کرلی لواحقین سے اظہارتعزیت کمشنر بہاولپورآر پی او بہاولپور ڈپٹی کمشنر رحیم یارخان ڈسٹرکٹ پولیس آفیسررحیم یارخان کی شیخ زید ہسپتال آمد زخمیوں کی عیادت بہترین طبی سہولتیں فراہم کرنے کی ہدایت واقعہ میں غفلت پائی گئی توکارروائی عمل میں لائی جائے گی میڈیاسے گفتگو تفصیل کے مطابق گزشتہ روز بے نظیرانکم سپورٹ پروگرام رقم کی وصولی کے سلسلہ میں چک123پی میں واقع سجادکریانہ سٹور پر خواتین کی بڑی تعداد جمع تھی کہ اسی دوران خواتین دوکان کی چھت پرچڑھ گئیں جس سے دوکان کی کمزورچھت اچانک زمین بوس ہوگئی جس کے ملبے تلے دب کر 8 خواتین جاں بحق ہوگئی جاںبحق ہونے والوں میں50سالہ شہناز بی بی40سالہ مریم بی بی35سالہ بختاوربی بی50سالہ انورمائی45سالہ چرخی مائی عرف گوگی 49 سالہ پروین بی بی اورزلیخا بی بی شامل ہیں جبکہ 70سے زائدخواتین زخمی ہوگئیں واقعہ کی اطلاع ملتے ہی ریسکیو ٹیمیں پولیس کی نفری موقع پرپہنچ گئیں جنہوں نے مقامی افراد کی مددسے ملبے تلے دب جانیوالی خواتین کوفوری طورپرریسکیو اورپرائیویٹ ایمبولینسوں کے ذریعے ہسپتال منتقل کردیاجہاں انہیں طبی امداد فراہم کی جارہی ہے سانحہ کی اطلاع ملنے پر ڈی پی اوعرفان علی سموں ڈپٹی کمشنرظہیرانورجپہ بھی موقع پرپہنچ گئے جنہوں نے امدادی سرگرمیوں کی نگرانی کی بعدازاں دونوں نے شیخ زید ہسپتال میں زخمی ہونی والی خواتین کی عیادت کی اورہسپتال انتظامیہ کوبہترین طبی سہولتیں فراہم کرنے کی ہدایت کی چھت گرنے کے باعث زیادہ ترخواتین سرپھٹنے ٹانگیں بازوٹوٹنے کے باعث زخمی ہیں۔ بعدازاں کمشنربہاولپورمسرت جبیں اور آرپی اوبہاولپورغازی صلاح الدین بھی شیخ زیدہسپتال پہنچے جہاں انہوں نے سانحہ میں زخمی ہونے والی خواتین کی عیادت کرتے ہوئے میڈیاسے گفتگو کی اور کہاکہ انتظامیہ سانحہ کی تحقیقات کررہی ہے زمہ داران کے خلاف کارروائی عمل میں لائی جائے گی انہوں نے کہاکہ حکومت پنجاب اورضلعی انتظامیہ متاثرہ اورسوگوارخاندانوں کیساتھ کھڑی ہے جنہیں ہرممکن تعاون کی یقین دہانی کرائی گئی ہے زخمیوں کوبہترین طبی سہولتیں فراہم کی جائیں گی۔قبل ازیں پاکستان پیپلزپارٹی کے ڈویژنل صدرسابق ممبرصوبائی اسمبلی انجینئرجاویداکبرڈھلوں ممبرصوبائی اسمبلی حبیب الرحمن گوپانگ ٹکٹ ہولڈر راجہ ریاض سولنگی کے علاوہ سابق ممبر قومی اسمبلی میاں امتیازاحمدممبرصوبائی اسمبلی چوہدری شفیق احمد ممبرڈسٹرکٹ کوارڈی نیشن کمیٹی میاں عامرشہبازودیگران نے بھی شیخ زید ہسپتال میں سانحہ چک123پی میں زخمی ہونیوالی خواتین کی عیادت کی اور مکمل اظہاریکجہتی کیا۔
