ضمنی انتخابات اہم ہیں، امید ہے ملیر کے عوام الیکشن چوری کا بدلہ ضرور لیں گے:بلاول بھٹو

ویب ڈیسک

اتوار, ۱۶ اکتوبر ۲۰۲۲

شیئر کریں

وفاقی وزیر خارجہ اور چیئرمین پاکستان پیپلز پارٹی بلاول بھٹو نے کہا ہے کہ ضمنی انتخابات بہت اہم ہیں، سیلاب کے باعث الیکشن مہم کا حصہ نہیں بن سکا، 2018 میں ملیر میں الیکشن چوری کیا گیا ،لیکن انہیں امید ہے کہ ملیر کے عوام الیکشن چوری کرنے کا بدلہ ضرور لیں گے اور تیر کو ووٹ دیں گے۔پیپلزپارٹی کے چیئرمین بلاول بھٹو زرداری نے کہا ہے کہ ایک نمائندہ جیت کر اگلے دن استعفیٰ دے گا جبکہ علی موسی اگلے دن سے عوام کی خدمت کرے گا، 2018کو عوامی مینڈیٹ پر ڈاکہ مارا گیا، کل عوام اپنا چھینا ہوا حق واپس لیں اور علی موسیٰ کو منتخب کروائیں۔انہوں نے مزید کہا ہے کہ جس طرح یوسف رضا گیلانی نے عوام کی خدمت کی علی موسیٰ بھی کریں گے، چار سال ملتان اور حلقہ میں کوئی ترقی نہیں ہوئی، آخری سال ہم لوگوں کی بھرپور خدمت کریں گے۔