لاڑکانہ:پی ایس 11 پر 17 اکتوبرکو ہونے والے ضمنی انتخابات کے لیے 16امیدوار سامنے آگئے
شیئر کریں
لاڑکانہ شہر کے صوبائی حلقے پی ایس 11 پر 17 اکتوبر پر ہونے والے ضمنی انتخابات کے لیے نامزدگی فارم وصول اور جمع کروانے کے آخری روز 16 امیدواروں کی جانب سے 24 نامزدگی فارم جمع کروائے گئے جن میں بلاول بھٹو زرداری کے پولیٹیکل سیکریٹری جمیل احمد سومرو، صوبائی وزیر سہیل انور سیال کے بھائی طارق انور سیال، جی ڈی اے رہنما معظم علی عباسی، حاجی منور علی عباسی، پیپلز پارٹی رہنماؤں شاہد حسین بھٹو، صفدر علی مٹھانی، پی ٹی آئی رہنماؤں حاجی شفقت حسین انڑ، شاہد حسین رند، ماہ جبین مغل، پیپلز پارٹی کے یوسی وائس چیئرمین ماجد علی بروہی، سماجی رہنما آفتاب احمد سیال، بشیر احمد، غلام علی شیخ، عبدالحق ، کاظم علی خان عباسی، امداد علی اور علی مراد میرانی شامل ہیں۔ الیکشن کمیشن کے جاری کردہ شیڈیول کے مطابق جمع کروائے گئے نامزدگی فارموں کی سکرونٹی کا عمل 19 ستمبر تک جاری رہے گی۔
