نگراں سندھ کابینہ کی تشکیل کے سلسلے میں مشاورت کا سلسلہ شروع

ویب ڈیسک

بدھ, ۱۶ اگست ۲۰۲۳

شیئر کریں

نگراں سندھ کابینہ کی تشکیل کے سلسلے میں مشاورت کا سلسلہ شروع ہوگیا ہے ، اس ضمن میں متعلقہ حلقوں نے بیشتر افراد کا انتخاب بھی کرلیا ہے جن کے ناموں کا اعلان نگراں وزیر اعلی سندھ جسٹس ریٹائرڈ مقبول باقر کی حلف برداری کے بعد کیا جائے گا۔زرائع نے بتایاکہ نگراں صوبائی کابینہ کا اعلان آئندہ دو روز میں متوقع ہے۔ ابتدائی طور پر نگراں سندھ کابینہ میں 10سے کم افراد شامل ہوں گے ۔ اور امکان ہے کہ نگراں سندھ کابینہ کے انتخاب کے وقت غیر سیاسی پس منظر کے حامل افراد کو ترجیح دی جائے گی۔ نامزد وزیر اعلی سندھ نے اپنی نامزدگی کے بعد اس عزم کا اظہار کیا ہے کہ ان کی نگراں صوبائی کابینہ میں ایماندار،اہل خدمت کا جذبہ رکھنے والے افراد کو شامل ہوں گے۔