کورنگی اور چکرا گوٹھ میں گومبنگ سرچ آپریشن،8 مشتبہ افرادزیرحراست
شیئر کریں
کورنگی پولیس اور رینجرز نے کورنگی اور چکرا گوٹھ میں مشترکہ کرمبنگ سرچ آپریش کے دوران8 مشتبہ افراد کو حراست میں لے لیا۔ تفصیلات کے مطابق پاکستان رینجرز سندھ اور ضلع کورنگی پولیس نے ہفتہ اور اتوار کی شب کو کورنگی کے دو مختلف علاقوں مشترکہ کومبنگ سرچ آپریشن کے دوران تلاش ایپ کی مدد سے 8 مشتبہ افراد کو حراست میں لیا ہے۔ ایس ایس پی کورنگی طاروق نواز نے بتایا کہ سرچ کامبنگ آپریشن جرام پیشہ عناصر کی موجودگی کی اطلاع پر کیا گیا، آپریشن کے دوران علاقے کے تمام راستوں کو سیل کرکے سخت پہرہ لگا دیا گیا تاکہ جرائم پیشہ عناصر فرار ہونے میں کامیاب نہ ہو سکیں۔انہوں نے بتایا کہ آپریشن میں تلاش ڈیواس کے ذریعے مشتبہ افراد کا ریکارڈ بھی چیک کیا گیا، آپریشن میں پولیس اور رینجرز کی بھاری نفری کے ہمراہ لیڈی پولیس سرچرز بھی موجود رہیں، سرچ آپریشن کے دوران 8 مشتبہ افراد کو حراست میں لیا گیا، کریمنل ریکارڈ والے دو اسٹریٹ کریمنلز کو گرفتار کر کے اسلحہ برآمد کیا گیا جبکہ سرچ آپریشن کے دوران ایک چوری شدہ موٹرساکل بھی برآمد کی گئی جو پولیس نے تحویل میں لے لی۔ایس ایس پی کا کہنا تھا کہ جرائم پیشہ عناصر کے خاتمے تک وقفے وقفے سے پورے کورنگی میں آپریشن جاری رہے گا۔
