سیاستدانوں کی کردارکشی کاسلسلہ بہت پراناہے ، آصف زرداری
شیئر کریں
پاکستان سیاستدانوں نے بنایاتھااورسیاستدان ہی اس کی تعمیرکرتے رہے ہیں،پیپلزپارٹی نے ہمیشہ ملک کومشکلات سے نکالا
بھارت کی ہٹ درمی کی وجہ سے ہمارے ہزاروں دیہات اور لاکھوں ایکڑ زمین سیلاب کی زد میں آرہے ہیں، سابق صدر مملکت
کراچی(اسٹاف رپورٹر)سابق صدر آصف علی زرداری نے بھارت کی آبی جارحیت کی مذمت کرتے ہوئے کہا ہے کہ بھارت کی ہٹ درمی کی وجہ سے ہمارے ہزاروں دیہات اور لاکھوں ایکڑ زمین سیلاب کی زد میں آرہے ہیں۔ان خیالات کا اظہار سابق صدرمملکت و پاکستان پیپلز پارٹی کے شریک چیئرمین آصف علی زرداری نے بھارت کی آبی جارحیت کی مذمت کرتے ہوئے کیا، انہوں نے کہا کہ بھارت کے ان اوچھے ہتھکنڈوں کے خلاف ہر فورم پر جائیں گے۔آصف علی زرداری نے کہا کہ بھارت کی اس ہٹ درمی کی وجہ سے ہمارے ہزاروں دیہات اور لاکھوں ایکڑ زمین سیلاب کی زد میں آ ر ہے ہیں، بھارت کی طرف سے پاکستانی دریاں میں پانی چھوڑنے کو انٹرنیشنل معاہدوں کی کھلم کھلا خلاف ورزی ہے۔انہوں نے کہا کہ نوجوان پاکستان کا مستقبل ہیں اور ملک میں آئین اور جمہوریت کی بحالی کیلئے نوجوانوں کا بے مثال کردار ہے۔سابق صدر نے کہاکہ سیاستدانوں کی کردار کشی کا سلسلہ بہت پرانا ہے حالانکہ پاکستان سیاستدانوں نے بنایا تھا اور سیاستدان ہی اس کی تعمیر کرتے رہے ہیں۔پیپلز پارٹی کے شریک چیئرمین نے اس حوالے سے کہا کہ ملک جب بھی مشکلات کا شکار ہوا پیپلزپارٹی نے ملک کو مشکلات سے نکالا۔
