ناظم جوکھیو قتل کیس، پیپلز پارٹی کے ارکان اسمبلی کے نام خارج
جرات ڈیسک
بدھ, ۱۳ اپریل ۲۰۲۲
شیئر کریں
انسداد دہشت گردی کے منتظم جج کی عدالت میں تفتیشی افسر نے ناظم جوکھیو قتل کیس میں مقدمے کا چالان جمع کرادیا۔ ذرائع کے مطابق پیپلز پارٹی کے رکن قومی اسمبلی جام کریم اور رکن سندھ اسمبلی جام اویس سمیت 8 افراد کے نام خارج کردیے گئے۔ ناظم قتل کیس کے تفتیشی افسر سراج لاشاری نے مقدمے کا چالان انسداد دہشت گردی کی منتظم عدالت میں جمع کروادیا۔ ذرائع کا کہنا ہے کہ مقدمے سے پیپلز پارٹی کے رکن قومی اسمبلی جام کریم اور رکن سندھ اسمبلی جام اویس سمیت 8 افراد کے نام خارج کردیے۔ مقدمے میں حیدر، معراج اور نیاز کو بطور ملزم نامزد کیا گیا ہے۔ ناظم جوکھیو کو نومبر 2021 میں میمن گوٹھ تھانے کی حدود میں قتل کیا گیا تھا۔ جوڈیشل مجسٹریٹ ملیر نے کیس میں دہشت گردی کی دفعات شامل کرنے کا حکم دیا تھا۔
