وزیراعظم شہباز شریف بدھ کو ایک روزہ دورہ پر کراچی پہنچیں گے
جرات ڈیسک
منگل, ۱۲ اپریل ۲۰۲۲
شیئر کریں
وزیر اعظم میاں محمد شہباز شریف ایک روزہ دورے پر (کل ) بدھ کے روز کراچی پہنچیں گے۔ شہباز شریف، بابائے قوم قائد اعظم محمد علی جناح کے مزار پر حاضری دیں گے اور وزیر اعلیٰ ہاؤس بھی جائیں گے۔ ایک نجی ٹی وی کے مطابق شہبازشریف ، وزیر اعلیٰ سندھ سید مراد علی شاہ سے ملاقات کریں گے اور (ن)لیگ کے گزشتہ دور حکومت میں کراچی کے لئے جس پیکیج کا اعلان کیا گیا تھا اس حوالہ سے بریفنگ لیں گے ۔ کس ، کس جگہ پر کام پھنسا ہوا ہے اس حوالہ سے سید مراد علی شاہ، شہباز شریف کو بریفنگ دیں گے۔
