ہیوی ٹریفک روکنے کیلئے شہری سڑکوں پر،ٹرک جلادیے
شیئر کریں
لانڈھی اور نارتھ کراچی میں شہریوں نے بھاری گاڑیوں کو داخلے سے روک دیا
سخی حسن پر مشتعل شہریوں کا واٹرباوزر پرحملہ ، عمارت کے شیشے توڑ ڈالے
کراچی میں ہیوی ٹریفک روکنے کے لیے شہری منگل کو بھی سڑکوں پر موجود رہے ۔ مختلف علاقوں میں چار ٹرک جلاڈالے ۔ لانڈھی اور نارتھ کراچی میں شہریوں نے بھاری گاڑیوں کوشہر میں داخل ہونے سے روک دیا۔سخی حسن پر مشتعل شہریوں کا واٹر باؤزر پر حملہ ۔ شیشے توڑ دئیے ۔ وزیر داخلہ سندھ ضیائالحسن لنجار نے ایڈیشنل آئی جی کراچی سے رپورٹ طلب کرلی شہریوں نے کئی مقامات پر ہیوی وہیکلز کو نہ صرف روک دیا بلکہ متعدد مقامات پر ہیوی وہیکلز کو آگ بھی لگا دی۔۔شدید عوامی درعمل پر ہیوی وہیکلز کا ایک ڈرائیور پھٹ پڑا۔۔ ڈرائیور نے دعوی کیا کہ مقررہ وقت سے پہلے شہر کی سڑکوں پر ہیوی وہیکل کو چھوڑنے کے لیے ٹریفک پولیس رشوت لیتی ہے ۔۔ ڈرائیور نے پہلے ٹریفک پولیس کا قبلہ درست کرنے کو کہا شدید عوامی درعمل اور ہیوی وہیکلز کو جلائے جانے کے لئے خلاف ٹرانسپورٹ ایسوسی ایشن نے قومی شارع کو کئی گھنٹوں تک احتجاجاً بند رکھا۔۔ مطالبہ کیا کہ ہیوی وہیکلز کے خلاف عوام کو کھڑا کرنے والے سیاسی جماعت کے سربراہ کے خلاف مقدمہ درج کیا جائے ۔
