تحریک طالبان انڈیاکے قیام کی سازش بے نقاب
شیئر کریں
بھارت میں اقلیتوں پر ظلم بے نقاب ہونے کے بعد نئی چال سامنے آگئی، "را” مودی سرکار کو دباو سے نکالنے کیلئے سرگرم ہوگئی اوربھارت میں تحریک طالبان انڈیا کے قیام کا اعلان کر دیا گیا ہے۔ میڈیا رپورٹس کے مطابق بھار ت میں تحریک طالبان انڈیا کے قیام کا اعلان نامعلوم مقام پر ایک میٹنگ کے بعد کیا گیا ،ٹی ٹی آئی نے ایک ٹوئٹر پیغام میں بھارت میں کارروائیاں شروع کرنے کا اعلان کر دیا ہے۔دفاعی ماہرین کے مطابق ٹی ٹی آئی بھارتی خفیہ ایجنسی ، را ، کا نیا پروجیکٹ ہے جس کے ذریعے مودی حکومت کو دباو سے نکالنے کا پروگرام بنایا گیا ہے۔ٹی ٹی آئی کے ذریعے آنے والے دنوں میں نہتے بھارتی مسلمانوں کے خون کے ساتھ ہولی کھیلی جائے گی اور پاکستان کو ان دہشتگردوں کی پشت پناہی پر مورد الزام ٹھہرایا جائے گا۔اس سے پہلے کالعدم تحریک طالبان پاکستان کو بھی بھارتی ایجنسی ، را ، نے ہی منظم کیا تھاا ور اس کی بھرپور مالی ، عسکری اور فنی امداد کی۔ دہشتگردی کے فروغ کیلئے ، را ، کا یہ نیا پراجیکٹ خطے میں مزید عدم استحکام کا باعث بنے گا۔را نے ٹی ٹی آئی کو منظم کر کے لانچ کیا ہے تاکہ ریاستی دہشتگردانہ کارروائیوں سے ایک کور مل سکے۔
