بدعنوانی ہماری ترقی کھا گئی، حکومتی نظام کھوکھلا کر دیا ہے ، وزیراعلیٰ
شیئر کریں
وزیرِ اعلیٰ سندھ مراد علی شاہ نے کہا ہے کہ سندھ اینٹی کرپشن ڈیپارٹمنٹ نے کئی اسکینڈل بے نقاب کیے ، مجرموں کو کیفرِ کردار تک پہنچایا۔ انٹرنیشنل اینٹی کرپشن ڈے پر اپنے پیغام میں وزیرِ اعلیٰ سندھ مراد علی شاہ نے کہا کہ بدعنوانی ہمارے معاشرے میں کینسر کی طرح سرائیت کر گئی ہے ۔ مراد علی شاہ نے کہا کہ بدعنوانی ہماری ترقی کھا گئی، سماجی ڈھانچے ، حکومتی نظام کھوکھلا کر دیا ہے ۔وزیرِ اعلیٰ سندھ نے کہا کہ بدعنوانی کے خلاف سب کو مل کر جدوجہد کرنی ہو گی۔انہوں نے کہا کہ اس سال کا عنوان کل کے تحفظ کے لیے نوجوانوں کو کرپشن کے خلاف متحد کرنا ہے ، یہ عنوان کرپشن کے خلاف نوجوانوں کے قائدانہ کردار کا تقاضہ کرتا ہے ۔مراد علی شاہ نے کہا کہ نوجوان قوم کا کل بچانے کے لیے آج کرپشن کے خلاف اُٹھ کھڑے ہوں اور کرپشن کے خلاف جنگ میں عوام حکومت کا ساتھ دیں۔انہوں نے کہا کہ حکومتِ سندھ کرپشن کے خلاف عدم برداشت کی پالیسی پر عمل پیرا ہے ۔وزیرِ اعلیٰ سندھ نے یہ کہا کہ حکومت سندھ نے محکمۂ اینٹی کرپشن کو مزید مضبوط کیا ہے ۔
