مراکش سے پرتگال کو شکست، رونالڈو روتے ہوئے میدان سے باہر گئے
شیئر کریں
فیفا ورلڈکپ 2022 کے میچ میں مراکش سے شکست کے بعد پرتگال کے کھلاڑی کرسٹیانو رونالڈو میچ ختم ہوتے ہی روتے ہوئے میدان سے باہر گئے۔ واضح رہے کہ رونالڈو حالیہ دنوں میں مختلف تنازعات میں گھرے رہے ہیں۔ اُنہیں رواں ورلڈ کپ کے ایک اہم مقابلے کا حصہ ہی نہیں بنایا گیا۔ کوچ اور رونالڈو کے درمیان ایک بحث کی خبر بھی موضوع بحث بنی رہی۔ مراکش کے ساتھ مقابلے کے پہلے ہاف میں بھی اُنہیں کھیل سے باہر رکھا گیا۔ مگر دوسرے ہاف میں وہ ایکشن میں نظر آئے۔ مگر وہ گول کے مختلف مواقع بنانے کی کوشش کے باوجود کوئی بھی گول کرنے میں کامیاب نہیں ہوسکے۔ مراکش نے پہلے ہاف میں ہونے والے گول کی برتری آخر تک بنائے رکھی۔ قطر میں جاری فیفا ورلڈ کپ کے تیسرے کوارٹر فائنل میں مراکش حریف پرتگال کو 0-1 گول سے شکست دے کر سیمی فائنل میں پہنچ گیا۔مراکش فٹ بال ورلڈ کپ کی تاریخ میں پہلی بار سیمی فائنل مقابلے تک پہنچنے میں کامیاب ہوئی ہے۔
