کھارادر میں بھی ڈاکوئوں نے بینک لوٹ لیا، 7لاکھ لے اڑے
شیئر کریں
کراچی (کرائم رپورٹر)کھارادر میں واقع نجی بینک سے موٹر سائیکل سوار 5مسلح ملزمان چند منٹوں میں 7 لاکھ روپے سے زائد رقم اور سیکورٹی گارڈ کا اسلحہ چھین کر فرار ہو گئے، پولیس نے سی سی ٹی وی فوٹیج کی مدد سے ملزمان کی تلاش شروع کردی۔ تفصیلات کے مطابق کھارادر کے علاقے بولٹن مارکیٹ میں واقع نجی بینک میں بدھ کی صبح 9 بج کر 59 منٹ پر 5مسلح ملزمان موٹر سائیکل پر سوار ہوکر بینک پر آئے اور چار مسلح ملزمان بینک میں داخل ہوئے اور بینک کے گارڈز کو قابو کرنے کے بعد ان کا اسلحہ چھین لیا اور بینک کے تمام عملے کو اسلحے کے زور پر یرغمال بنا کر کیش کاؤنٹر پر موجود 7لاکھ روپے زائد رقم اور موبائل فون سمیت دیگر سامان لوٹ کر چند منٹوں میں باآسانی فرار ہو گئے اور جاتے ہو ئے گارڈز کا اسلحہ بھی ساتھ لے گئے۔ آئی جی سندھ اے ڈی خواجہ نے ڈی آئی جی ساؤتھ سے جامع انکوائری پر مشتمل رپورٹ فوری طور پر طلب کرلی ہے۔
