لیاقت آباد میں پانی و بجلی کی عدم فراہمی پر احتجاج ،ٹریفک معطل
شیئر کریں
غم و غصہ کا اظہار کرنیوالے شہریوں کی ضلعی انتظامیہ ، سیاسی جماعتوں کے خلاف شدید نعرے بازی
مظاہرین نے اپنی شکایات ریکارڈ کروانے کے بعد پرامن احتجاج ختم کر دیا،ٹریفک کی روانی بحال
لیاقت آباد ڈاکخانے کے قریب شہریوں نے بجلی اور پانی کی مسلسل بندش کے خلاف احتجاج کیا، جس کے باعث علاقے میں ٹریفک کا نظام بری طرح متاثر ہوا۔مظاہرین کا کہنا تھا کہ کئی روز سے پانی کی فراہمی معطل ہے اور بجلی کی لوڈ شیڈنگ نے ان کی زندگی اجیرن کر رکھی ہے۔ احتجاج کے دوران شہریوں نے ضلعی انتظامیہ اور سیاسی جماعتوں کے خلاف شدید نعرے بازی کی۔مظاہرین نے اپنی شکایات ریکارڈ کروانے کے بعد پرامن طور پر احتجاج ختم کر دیا اور سڑک کو ٹریفک کے لیے کھول دیا گیا۔تاہم، اس دوران ٹریفک کی روانی میں مشکلات کا سامنا رہا۔ شہریوں کا کہنا تھا کہ وہ اپنے حقوق کے لیے آواز اٹھائیں گے اور جلد ہی مسائل کے حل کے لیے حکام سے اقدامات کی توقع رکھتے ہیں۔مقامی انتظامیہ نے اس احتجاج کے خاتمے کے بعد ٹریفک کی روانی کو بحال کر دیا، اور متاثرہ علاقے میں معمول کی زندگی دوبارہ شروع ہو گئی۔
