بھارتی حکومت نے نوجوت سنگھ سدھو کو پاکستان آنے سے روک دیا
ویب ڈیسک
هفته, ۹ نومبر ۲۰۱۹
شیئر کریں
بھارتی حکومت نے سابق بھارتی کرکٹر اور سیاستدان نوجوت سنگھ سدھو کو کرتارپور راہداری کے افتتاح میں شرکت کے لیے واہگہ کے راستے پاکستان آنے سے روک دیا۔میڈیا رپورٹس کے مطابق نوجوت سنگھ سدھو کرتارپور راہداری کی افتتاحی تقریب میں شرکت کے لیے واہگہ پہنچے تو بھارتی حکام نے روک لیا، حالانکہ جمعہ کے روز بھارتی حکام نے سدھو کو واہگہ سے اجازت کی یقین دہانی کروائی تھی تاہم 5روز کے ویزے کے باوجود عین وقت پر اٹاری پر روک لیا۔نوجوت سدھو کے استقبال کے لیے واہگہ پر موجود افراد واپس روانہ ہوگئے ، سدھو اب کرتارپور سے آئیں گے ۔واضح رہے کہ گزشتہ روز بھارتی حکومت نے نوجوت سنگھ سدھو کو پاکستان آنے کی اجازت دی تھی جبکہ پاکستان آنے والے وفد میں بھارتی اداکار سنی دیول، سابق بھارتی وزیراعظم منموہن سنگھ اور بھارتی پنجاب کے وزیراعلی بھی شامل ہوں گے ۔
